Waktos Galunggung
Basa Galunggung…
Taun eta..
Ti Sumedang Larang ti kaanggangan kasawang
Basa kula masih keneh boloho olo leho
Prak wengi nuju ka tengah..
Tingburisat kembang seuneu..
Ngaburicak sagede-gede imah
Dina poek mongkleng meta cahaya
Di awang-awang, langit kidul wetan
Dor dar sora batu mencar lalumpatan
Meupeuh diri lir dipupul bayu, anu nenjo
soca olohok..
Hemeg…teu ampeuh ku kakeueung
Seuneu bumi ngagulidag motah kahayang
Kaluar bumi kaendagkeun Gusti
Keur nandakeun kakawasaan…
Asa masih keneh dina ceuli Takbir jeung Tahmid
Geunjleung sa-tanah Priangan
Prak beurang
Poek…kayas bumi jiga sareupna..
Kahujanan lebu sakulihna
Najan nepi ka para imah
Gogonjakan babaledogan
Palastik dieusi ku lebu Galunggug
Ah mangsa kuring sok budugan
April 1982- Januari 1983..
Anu ieu mah ngalaman..
Cenah Krakatau oge taun 1883,
Tah nu ieu teu ngalaman
Moal boa leuwih ti Galunggung..
Naha…bet bedana saratus taun
Naha engke bakal kajadian deui
Di dieu di taneuh ieu..
2083
Ah ieu mah moal boa kuring mah teu ngalaman
Wallahu’alam bissawab..
||Jalak Harupat
||Sumedang Tandang Nyandang Kahayang